Paris Hilton ka hedhur poshtë akuzat se ishte përzgjedhur nga Ghislaine Maxwell për t’u prezantuar me Jeffrey Epstein në moshën 19-vjeçare. Trashëgimtarja dhe ylli i mediave sociale, tani 44 vjeçe, ka mohuar çdo përfshirje të tillë, duke deklaruar se nuk mban mend të ketë pasur ndonjëherë takim me Maxwell. Në një intervistë për Sunday Times, Hilton tha se mund të jetë thjesht viktimë e përdorimit të emrit të saj për qëllime marketingu dhe për të tërhequr klikime në media. Ajo theksoi: ‘Jam një emër që përdoret shpesh për sensacione të tilla.’
Pretendimet u shfaqën fillimisht nga miku britanik i Maxwell, Christopher Mason, i cili përmendi se Maxwell kishte parë Hilton-in në një festë rreth vitit 2000 dhe mendonte se ajo do të ishte ‘perfekte për Jeffrey-n’. Më pas, sipas Mason, Maxwell i kërkoi një mikeshës së saj që ta prezantonte me Hilton-in.
Në atë kohë, Paris Hilton ishte në fillimet e karrierës në industrinë e modelimit, duke punuar për agjencinë e modelimit të Donald Trump, T Management, ndërsa karriera e saj ndërkombëtare ishte në prag të fillimit. DailyMail raporton se fotografi të Hilton-it dhe Maxwell-it nga një sfilatë mode në New York në shtator 2000 u prezantuan, duke treguar Maxwell-in duke buzëqeshur me syze dielli.
Pavarësisht nga këto pretendime dhe fotot e përbashkëta, Hilton insiston se ajo nuk ka pasur asnjë kontakt me Maxwell dhe i klasifikon këto pretendime si pjesë e ciklonit mediatik që shpesh e ka ndjekur emrin e saj.
