Gjenerali Wesley Clark në Hagë: UÇK-ja pa komandë dhe kontroll të qartë

Gjenerali amerikan Wesley Clark, në dëshminë e tij në Hagë, deklaroi se Ushtria Çlirimtare e Kosovës (UÇK) përbëhej nga persona të vetorganizuar dhe të motivuar, por pa një komandë dhe kontroll të qartë. Ai theksoi se Ushtria Serbe kishte frikë nga këto grupe, por nuk kishte asnjë strukturë të koordinuar. Clark shtoi se grupet ishin të pavarura dhe shpesh vepronin vetë, ndonjëherë kapnin edhe persona të huaj, por nuk kishte mënyra komunikimi të qarta dhe as komandë të centralizuar. “Unë nuk kisha asnjë dyshim që Ushtria Serbe ishte e frikësuar prej tyre,” tha Clark. Ai gjithashtu vuri në dukje se UÇK-ja nuk kishte mekanizma për komandë dhe kontroll, ndërsa vëzhguesit amerikanë në kufirin Shqipëri-Kosovë nuk ishin në gjendje të mblidhnin informacion të besueshëm mbi veprimet e tyre. “Komanda nënkupton autoritet, kontrolli është mënyra për ta mbikëqyrur dhe udhëzuar. Nga ajo që pamë, asnjë prej këtyre nuk ekzistonte,” përfundoi Clark.