Një video që po qarkullon me shpejtësi në rrjetet sociale ka sjellë një moment emocional për Lionel Messin. Tifozë të Barcelonës, të intervistuar për figurën dhe trashëgiminë e tij, shprehën në mënyrë të ndjerë admirimin për ish-kapitenin blaugrana, duke e prekur thellë atë.
Pamjet u transmetuan gjatë një ceremonie ku Messi mori një çmim nderi të dhënë nga qyteti i Barcelonës, si vlerësim për kontributin e tij të jashtëzakonshëm brenda dhe jashtë fushës. Për shkak të angazhimeve, Messi nuk ishte fizikisht në Barcelonë, por mori çmimin nga Miami. Megjithatë, videoja me mesazhet e tifozëve ia solli Barcelonën shumë afër.
Momenti kulmor i emocionit erdhi kur, i prekur nga fjalët e tifozëve, Messi deklaroi: “Sigurisht që do të kthehem… do të jem në stadium si çdo tifoz tjetër”.
Videoja u prit me entuziazëm nga komuniteti i Barcelonës dhe theksoi edhe një herë lidhjen e fortë dhe të qëndrueshme mes Messit dhe klubit katalanas – një lidhje që mbetet e gjallë edhe pas largimit të tij.
