LSM: Shpenzimet minimale për familje në nëntor 65 173 denarë, me qira 80 548 denarë

Lidhja e Sindikatave të Maqedonisë (LSM) njoftoi se shpenzimet minimale për një familje në nëntor arrijnë në 65 173 denarë, ndërsa me një apartament me qira prej 60 metrash katrorë shuma rritet në 80 548 denarë. Të dhënat e LSM, e cila përgatit shportën minimale të sindikatës që pasqyron kostot e jetesës për një familje me katër anëtarë, tregojnë se këtë muaj nevojiten 23 534 denarë për ushqim dhe pije dhe 6 130 denarë për shpenzime të përgjithshme. Krahasuar me tetorin, kur për shpenzimet minimale mujore nevojiteshin 65 544 denarë, në nëntor ka pasur një rënie prej 371 denarë.