Trajneri i Barcelonës, Hansi Flick, e ka përshkruar Lionel Messin si një nga lojtarët më të mirë të dekadës së fundit dhe tha se gjithmonë e ka shijuar ta shikojë atë në fushë. “Messi është lojtari më i mirë i futbollit të dhjetë viteve të fundit, nëse jo më shumë. Gjithmonë kam kënaqësi ta shikoj të luajë, ai është fantastik, ajo që ka bërë është e pabesueshme”, deklaroi Flick.
Kur u pyet për mundësinë e rikthimit të Messit te Barcelona, Flick përgjigjej me kujdes, duke theksuar çështjen e kontratave. Ai vuri në dukje datat e përfundimit të kontratave dhe tha se vendimi nuk është në dorën e tij: “Kontrata e tij përfundon në 2028, e imja në 2027… nuk është në dorën time a do ta stërvis”.
Vizita e Flick në Camp Nou ka nxitur spekulime për një rikthim të mundshëm të Messit te klubi. Në media është përmendur mundësia e një transferimi në janar, si mënyrë për ta mbajtur Messin në ritëm gjatë pushimit të sezonit të MLS dhe përgatitjeve para Botërorit.
Nën drejtimin e Flick, Barcelona fitoi titullin e La Ligës në sezonin 2024/2025 dhe arriti deri në gjysmëfinalet e Ligës së Kampionëve, ku u mposht nga Inter me rezultat të ngushtë 5-4 pas dy ndeshjesh.
Megjithatë, ky sezon ka nisur me vështirësi. Barcelona është tre pikë pas Real Madrid në ligë dhe ka shënuar dy humbje, përfshirë një 2-1 në Clasico. Forma e tyre në Ligën e Kampionëve është përshkruar si zhgënjyese, duke u renditur në vendin e 11-të në tabelë. Dëmtimet kanë ndikuar dukshëm, me lojtarë kyç si Pedri dhe Marcus Rashford që kanë mbetur jashtë fushës.
Burimi: Telegrafi
