Një udhëtim me tren nga Ahmedabad në Lucknow u shndërrua papritmas në një mini-koncert kur grupi indian Stone Keys nisi të performonte brenda vagonit.
Një video e publikuar nga Stone Keys tregon momentin dhe ka grumbulluar mbi 18 milionë shikime në Instagram, sipas raportimeve.
Në mbishkrimin e videos, grupi përshkroi se një udhëtim tipik papritmas u transformua pa asnjë përgatitje, duke shkruar: «Gjatë rrugës nga Ahmedabad në Lucknow, dhe po, ne përfunduam duke krijuar një atmosferë të tërë në tren».
Në video duken disa pasagjerë që nxjerrin telefonat për të regjistruar performancën, ndërsa të tjerë iu bashkëngjitën grupit. Stone Keys interpretuan këngën popullore “Inteha Ho Gayi Intezaar Ki” nga filmi “Sharaabi” (1984) me Amitabh Bachchan.
Videoja mori reagime të shumta në rrjetet sociale, ku përdoruesit vlerësuan transformimin e vagonit në një seancë muzikore. Amazon Music India komentoi me shaka se edhe ata po mbërrinin në stacionin tjetër.
