Në Big Brother VIP Kosova banorët zhvilluan një nga sfidat më argëtuese dhe pikante: një sfilatë e dedikuar djemve të shtëpisë.
Pjesëmarrësit hynë në garë me energji, kreativitet dhe vetëbesim, duke surprizuar me paraqitjet e tyre skenike. Djemtë mahnitën me fizikun, qëndrimin dhe performancat e veçanta; disa përdorën ujë gjatë ecjes në pistë, të tjerë bënë gjeste gazmore që ngjallën të qeshura dhe duartrokitje.
Ndër më të veçantët ishte Londrimi, i cili u shfaq me një veshje krejt të pazakontë dhe shumë kreative. Për shkak të stilit të tij unik dhe fakti që shpesh shfaqet duke bërë pasarela brenda shtëpisë, ai tërhoqi vëmendjen e të gjithëve.
Juria, e përbërë nga vetë banorët, i dha pikët më të larta Londrimit, dhe ai u shpall “Djali më seksi” i shtëpisë, duke zënë vendin e parë në këtë sfidë argëtuese.
Sfilata solli buzëqeshje, momente gazmore dhe energji pozitive në shtëpi, duke u bërë një nga ngjarjet më të komentuara të mbrëmjes.
Burimi: Telegrafi.
