Zbatimi i planit amerikan për paqe në formën e propozuar mund të rezultojë që Rusia të fitojë një territor të madh pa luftuar, sipas agjencisë franceze AFP, bazuar në të dhënat e Institutit për Studimin e Luftës (ISW).
Sipas iniciativës, e cila i është treguar AFP‑së, parashikohet që forcat ukrainase të tërhiqen nga territoret që aktualisht kontrollojnë. Kjo do të sillte Moskës një fitore neto prej rreth 2.300 km² — sipërfaqe thuajse e barabartë me Luksemburgun (2.590 km²).
Sipas planit, Ukraina do t’i dorëzonte rreth 5.000 km² në rajonin e Donetskut dhe 45 km² në rajonin e Luhanskut.
Në këmbim, Rusia do t’i rikthejë Ukrainës afërsisht 2.000 km² në rajonin e Kharkivit, 450 km² në rajonin e Dnipropetrovskut, 300 km² në rajonin e Sumes dhe 20 km² në rajonin e Chernigovit.
Sipas AFP‑së, plani i propozuar do të nënkuptonte dorëzimin e rreth 20% të territorit ukrainas, ndërsa Ukraina do të merrte mbrapsht më pak se 0,5 për qind të sipërfaqes së saj.
Ndryshe, Ukraina ka pranuar një plan paqeje të hartuar nga Shtetet e Bashkuara, i cili po kritikohet gjerësisht në Evropë.
Burimi: AFP, në bazë të të dhënave të Institutit për Studimin e Luftës (ISW). /Telegrafi/
