Pas transferimit të Shkurta Haxhiu në aneksin e shtëpisë, ku do të qëndrojë e veçuar nga banorët e tjerë, moderatorja Jonida Vokshi u lidh me pjesëmarrësit për të pyetur rreth largimit të saj.
Çudia ishte se asnjë prej banorëve nuk e besoi largimin e Shkurtës. Fillimisht Londrimi, e më pas Sasa, shprehën bindjen se ajo do të kthehej shpejt. Sasa e vuri në siklet Jonidën duke pyetur nëse Shkurta ishte në studio; Jonida iu përgjigj: “E kishim, por nuk e kemi më”, duke bërë që loja e produksionit të zbulohej paksa për banorët.
Edhe Hygerta shprehu dyshimet e saj, duke thënë: “gjithmonë nëse është e vërtetë që është larguar”, çka tregoi se as ajo nuk ishte e sigurt për realitetin e ngjarjes.
Ky episod riktheu tensionin dhe pasigurinë brenda shtëpisë, duke nxjerrë në pah mënyrën se si produksioni i BBVK 4 manipulon emocionet dhe perceptimet e banorëve për të krijuar momente të papritura për spektatorët.
