Gjatë spektaklit të mbrëmshëm u transmetua një klip ku Benita dhe Alba shfaqeshin duke bullizuar Elijonën, dhe ku Benita i kishte thënë: «S’e ke mamin këtu». Ky moment preku thellë Elijonën dhe publikun, pasi ajo kishte humbur nënën dhe motrën në një aksident.
Pas transmetimit, Benita sqaroi se nuk e kishte ditur për rastin e Elijonës dhe se komentet e saj ishin të drejtuara për Hygertën. Në një pjesë të videos ajo tha se mënyra e veprimit ishte e gabuar, por se gabimet janë të njerëzve dhe se gjërat ishin lidhur keq: «Ajo mënyrë që ka qenë, ka qenë gabim, por gabimet janë për njerëz, normal. Kryesorja është publiku, që nuk e kam pasur në atë kuptim. Janë lidhur gjërat shumë keq. S’e njoh». (BBVK/YouTube)
Ibro, i cili po e ndjekte bisedën, theksoi rëndësinë e sqarimit të versionit të vet: «E rëndësishme është të tregosh versionin tënd dhe mënyrën si e ke pasur ti, ta sqarosh situatën».
Benita u shpreh e prekur nga situata: «Besomë që po emocionohem sa herë po e kujtoj këtë pjesë, po më dridhet trupi». Ajo shtoi se ndihet e pastër nga fajësia dhe se nuk kishte ndërmend t’i përmendte ato gjëra dikujt: «Unë jam e pastër shumë. Veç kur po e mendoj jashtë, ku ta di sa të madhe e kanë bërë këtë pjesë. Po them o Zot, pa faj. S’e kam ditur, se nuk e kam shpirtin t’ia përmend këtë gjë askujt».
Video dhe materiale të lidhura me ngjarjen gjenden në burimet e transmetuara gjatë emisionit dhe në faqen e YouTube. (Telegrafi)
