Pronari i një Bugatti Chiron Pur Sport në Florida, Alex Gonzalez (i njohur si @fxalexg), pati përplasje me prodhuesin pasi makina e tij u dëmtua. Gonzalez i dha Bugattit 24 orë për ta hequr makinën nga “lista e zezë” dhe kërcënoi se do të printojë pjesët me stampë 3D.
Drejtori ekzekutiv, Mate Rimac, iu përgjigj personalisht me mesazh privat — më pas të bërë publik — duke shpjeguar pse printimi 3D nuk është zgjidhje e përshtatshme për disa pjesë kyçe: kutia e marshave, dritat dhe panelet e karoserisë, të cilat, sipas tij, nuk mund të garantohen për siguri në këtë mënyrë.
Rimac ofroi një alternativë konkrete: Bugatti dëshiron të ndihmojë në rikthimin e Chiron-it në mënyrë teknike dhe të sigurt, nëse struktura bazë nuk është shkatërruar në masë të madhe. Në mesazhin që Gonzalez publikoi në Instagram, Rimac shkruante: “nëse monokoku dhe kutia e marshave nuk duhet të zëvendësohen, kjo do të kushtojë shumë më pak nga sa po flitet.”
Gonzalez tha se ka planifikuar një bisedë telefonike me Rimacin për të diskutuar rastin në detaje. Sipas raportimeve, Bugattit i është hequr Chironi nga “lista e zezë”, çka mund të hapë rrugë për restaurim me miratimin dhe mbikëqyrjen e prodhuesit.
Burim: Telegrafi.
