Butrint Imeri ka konfirmuar se po përgatit albumin e tij më të ri, duke e paralajmëruar me një video simbolike të shpërndarë në rrjetet sociale.
Në klip, i cili ngjan me një skenë në Hënë, një astronaut mban një flamur ku shkruhet qartë “Albumi po vjen”.
Fansat menjëherë kanë komentuar dhe shpërndarë videon, duke shprehur padurim për projektin e ri.
Edhe pse Butrinti nuk ka zbuluar datën e publikimit apo detaje mbi përmbajtjen, fakti që ai paralajmëron një album e bën këtë lëvizje një nga veprimet më të dukshme të tij kohët e fundit.
Fansat presin me entuziazëm çdo informacion të ri, ndërsa artisti vazhdon me strategjinë e tij misterioze të komunikimit.
Albumi pritet të jetë një nga lansimet më të mëdha të këtij viti në muzikën shqiptare, duke marrë parasysh suksesin dhe ndikimin që Imeri gëzon.
Ky paralajmërim në formë të veçantë tregon se artisti vazhdon të sjellë qasje të ndryshme në projekte. /Telegrafi/
