Cristiano Ronaldo ka ndarë një mesazh falënderimi në rrjetet sociale pasi mori pjesë në një darkë në Shtëpinë e Bardhë me ish-presidentin amerikan, Donald Trump.
Ngjarja, e cila mblodhi figura të njohura nga fusha e biznesit, teknologjisë dhe sportit, shënoi daljen e parë publike të Ronaldos në Shtetet e Bashkuara që nga viti 2016. Eventi u zhvillua në kontekstin e përpjekjeve për të forcuar marrëdhëniet politike dhe ekonomike mes Uashingtonit dhe Riadit.
Pjesëmarrja e Ronaldos përkrah delegacionit saudit nënvizoi rolin e rëndësishëm që ai luan në strategjinë ndërkombëtare të Arabisë Saudite, veçanërisht në përpjekjet për rritjen e ndikimit global përmes sportit.
Në një postim në Instagram pas ngjarjes, Ronaldo shkroi: “Faleminderit z. President për ftesën dhe pritjen e ngrohtë që ju dhe Zonja e Parë i dhatë mua dhe gruas sime të ardhshme, Georginas.”
Ai shtoi gjithashtu: “Secili prej nesh ka diçka me vlerë për të ofruar, dhe unë jam gati të bëj pjesën time ndërsa frymëzojmë gjenerata të reja për të ndërtuar një të ardhme të përcaktuar nga guximi, përgjegjësia dhe paqja e qëndrueshme.”
