Në një intervistë për Sky Sports, Gianluigi Donnarumma foli hapur për largimin e tij nga PSG, duke thënë se ndihej i lënduar dhe i tradhtuar nga mënyra se si u bë largimi, pas kontributit të tij për t’i sjellë klubit Ligën e Kampionëve.
“Nuk është e lehtë të largohesh nga një klub i tillë. Pas asaj që ndodhi, u ndjeva shumë keq”, tha portieri italian, i cili tani luan te Man City.
“Unë erdha dhe u përshtata me një stil të caktuar, por pastaj në muajt e fundit ai stil nuk ishte më aty.
Është turp pas një sezoni ku sollëm Ligën e Kampionëve në Paris, gjë që nuk kishte ndodhur kurrë më parë. Dhemb. Por duhet të kthehesh faqen dhe te PSG, shokët e skuadrës dhe tifozët gjithmonë do të ndihen afër meje.”
“U ndjeva i tradhtuar sepse kur erdha, u përshtata me PSG-në dhe i kushtova vëmendje të veçantë kësaj. Por në fund, muajt e fundit ishin krejt të ndryshëm. Kjo më zhgënjeu.
Është diçka që kurrë nuk do ta shpjegoj dot, por duhet ta pranosh. U zhgënjeva nga mënyra se si menaxhuan situatën. Është fatkeqësi, por duhet të vazhdosh përpara.”
Ai shtoi se do t’u jetë gjithmonë mirënjohës PSG-së dhe tifozëve: “Do t’u jem gjithmonë mirënjohës PSG-së për atë që më dhanë dhe për atë që unë u dhashë atyre, ishte fantastike. Dhe gjithmonë do t’i falënderoj tifozët.
Do të kthehem gjithmonë në Paris sepse më dhanë një shtëpi të dytë, ishte një pjesë kaq themelore e jetës sime.
Jam i lumtur për atë që arrita atje dhe për atë që shokët e skuadrës dhe tifozët më dhanë, dhe gjithmonë do t’u jem mirënjohës.”
Burimi: Telegrafi
