Tërheqja e sulmuesit të Real Madridit, Kylian Mbappé, nga ekipi kombëtar i Francës gjatë pushimit të fundit ndërkombëtar ka ngjallur diskutime.
Kapiteni i Francës u paraqit shkëlqyeshëm në ndeshjen kundër Ukrainës, duke ndihmuar ekipin të sigurojë kualifikimin për Kupën e Botës. Megjithatë, ai mungoi në ndeshjen pasuese ndaj Azerbajxhanit për shkak të një inflamacioni në kyçin e këmbës së djathtë, siç bëri të ditur zyrtarisht federata franceze.
Ajo që ka tërhequr vëmendjen është fakti që Mbappé nuk ka udhëtuar drejt Madridit për kontrolle mjekësore, por është parë në Dubai, ku raportohet se ka bërë një pushim të shkurtër.
Sipas raportimeve, lojtari pritet të rikthehet në stërvitje me Real Madridin të mërkurën dhe të jetë në dispozicion për ndeshjen e fundjavës kundër Elches në kampionatin spanjoll.
