Sulmuesi i Kombëtares së Kosovës, Edon Zhegrova, ka udhëtuar drejt Torinos menjëherë pas përfundimit të ndeshjes kundër Zvicrës, duke shfrytëzuar një aeroplan privat.
Kosova e përmbylli fushatën kualifikuese me një barazim 1-1 në Prishtinë, në një ndeshje që u zhvillua nën një shi të dendur. Me këtë rezultat, Kombëtarja e Kosovës e mbylli grupin në vendin e dytë, duke siguruar një vend në fazën “play-off”, një arritje historike për ekipin kombëtar.
Në këtë ndeshje, Zhegrova mori më shumë minuta se zakonisht, duke reflektuar rikthimin e tij të ngadalshëm në formë pas një dëmtimi që e kishte mbajtur jashtë fushave për afro një vit.
Pas sfidës me Zvicrën, ai u nis menjëherë drejt Italisë për t’u bashkuar me klubin e tij, Lille, dhe për t’u përgatitur për ndeshjen e fundjavës kundër Juventusit. Nuk është e qartë nëse fluturimi privat është organizuar nga klubi i tij, apo është paguar nga vetë lojtari.
/Telegrafi/
