Eduard Kuçi, ish-banori i edicionit të kaluar të Big Brother VIP Kosova, është rikthyer në edicionin e sivjetshëm të spektaklit. Ai ka ndarë përshtypjet e para lidhur me atmosferën dhe gjendjen e banorëve brenda shtëpisë.
Në një bisedë me Saranda Hodën, Kuçi ka theksuar se ka vënë re ndryshime të dukshme në energjinë e përgjithshme të pjesëmarrësve.
“Shtëpia është më e madhe sivjet. Energjia këtu është shumë e lodhur. Kam hyrë atje pas një muaji”, u shpreh ai.
Ai shtoi se, krahasuar me vitin e kaluar, banorët këtë vit duken më të lodhur. Megjithatë, Kuçi mbetet optimist dhe beson se me kalimin e kohës, energjia mund të rikthehet, sidomos pasi banorët të përshtaten me hapësirën dhe ritmin e lojës.
Deklaratat e tij kanë ngjallur interes te publiku, pasi vijnë nga një ish-banor që tashmë ka përvojë të dyfishtë në këtë format televiziv.
