Sulmuesi i Arsenalit, Gabriel Jesus, mund të rikthehet në fushë në një ndeshje miqësore me dyer të mbyllura ndërsa rrit gradualisht ritmin e rikuperimit nga dëmtimi i gjatë në gju.
Jesus pësoi një këputje të ligamentit në ndeshjen e FA Cup kundër Manchester United në janar dhe iu nënshtrua një operacioni. Prej atëherë nuk ka luajtur, por tani është rikthyer në stërvitje të plotë.
Trajneri Mikel Arteta shpjegoi se Arsenali do të rrisë ngarkesën gradualmente dhe se planet mund të përfshijnë një ndeshje miqësore në qendrën stërvitore të klubit në London Colney në javët e ardhshme. Ai tha: “Ai po bën shumë mirë. Po i kryen të gjitha me ekipin për momentin, për gati dy javët e fundit.”
“Do t’i japim pak ekspozim të brendshëm me disa ndeshje, që të marrë ritmin fizik. Por ai duket shumë mirë në stërvitje dhe do të jetë një shtesë e madhe për ekipin”, shtoi Arteta.
Jesus do të duhet të luftojë për minuta të rregullta sapo të kthehet, pasi Arsenali ka transferuar sulmuesin Viktor Gyokeres gjatë verës.
Burimi: Telegrafi.
