Gjykata e Koçanit hoqi poshtë ankesën e Prokurorisë, e cila kërkoi që inspektorët e DAP-it, Dragan Paunov dhe Dule Dimitriev, të vendoseshin në paraburgim në vend të arrestit shtëpiak.
Ankesat e Prokurorisë dhe të mbrojtësve u shqyrtuan brenda 48 orëve, por ora e saktë e vendimit nuk u bë e ditur.
Inspektorët dyshohen për marrje ryshfeti dhe për dhënie informacioni djalit të pronarit të diskotekës “Pulse” lidhur me kontrollet e paparalajmëruara, para tragjedisë në atë diskotekë.
Avokati i Paunov deklaroi se, sipas praktikës së mëparshme gjyqësore, veprat e tilla zakonisht nuk sanksionohen me arrest shtëpiak e aq më pak me burgim efektiv.
(Burimi: Telegrafi)
