Gjykata Kushtetuese ka hapur procedurat lidhur me Nenin 2 të ndryshimeve të fundit në Ligjin për Sigurim Pensional dhe Invalidor, i cili prezanton rritjen lineare të pensioneve.
Gjykata vlerëson se kjo dispozitë mund të shkelë parimet kushtetuese të drejtësisë sociale, barazisë dhe sigurisë ligjore, si dhe të krijojë pabarazi midis pensionistëve me shuma të ndryshme pensionesh.
Sipas përshkrimit të dispozitës së kontestuar, e drejta për rregullim mujor të pensioneve — që bëhej më parë në bazë të rritjes së pagave dhe të shpenzimeve të jetesës — zëvendësohet me një shpërndarje lineare të shumës totale të fondeve për të gjithë pensionistët në mënyrë të barabartë, pavarësisht nga shuma e fituar e pensionit, kohëzgjatja e shërbimit dhe kontributet e paguara.
Gjykata ka marrë parasysh se rregullimi i pensioneve është e drejtë e personit të siguruar që garanton sigurimin shoqëror brenda kornizës së Ligjit për Sigurim Pensional dhe Invalidor, dhe realizon garancinë kushtetuese për sigurimin shoqëror të qytetarëve. /Telegrafi/
