Barcelona po e sheh sulmuesin e Bayern Munich, Harry Kane, si objektivin kryesor për sezonin e ardhshëm, duke ia paraprirë Julian Álvarez, i cili mbetet opsion më i vështirë për shkak të kërkesave të larta financiare të Atletico Madrid.
Kane po kalon një sezon të mirë në Gjermani, me 23 gola dhe 3 asistime në të gjitha kompeticionet, formë që ka tërhequr vëmendjen e drejtuesve katalanas.
Sulmuesi 32-vjeçar ka një klauzolë lirimi prej 65 milionë eurosh, e vlefshme deri në vitin 2027, shifër që konsiderohet e përballueshme brenda mundësive financiare të klubit.
Kontrata e Robert Lewandowskit skadon verën e ardhshme, dhe një largim i mundshëm i tij pritet të lirojë një pjesë të konsiderueshme të fondit të pagave, çka mund të lehtësojë afrimet e reja.
Barcelona beson se aftësia e Kane për t’u përshtatur shpejt dhe potenciali i tij i provuar mund ta bëjnë atë zëvendësues të denjë të Lewandowskit në majën e sulmit. (Telegrafi)
