Një sulm ajror izraelit goditi kryeqytetin e Libanit, Bejrut, për herë të parë pas disa muajsh.
Ushtria izraelite tha se kishte në shënjestër shefin e shtabit të Hezbollahut. Zyra e Netanyahut deklaroi: “Pak kohë më parë, në zemër të Bejrutit, IDF sulmoi Shefin e Shtabit të Hezbollahut, i cili kishte udhëhequr ndërtimin dhe riarmatimimin e organizatës terroriste.” Shtoi se “Kryeministri Netanyahu urdhëroi sulmin me rekomandimin e ministrit të mbrojtjes dhe shefit të shtabit të IDF-së” dhe se “Izraeli është i vendosur të veprojë për të arritur objektivat e tij kudo dhe në çdo kohë.”
Nuk u tha nëse shefi i shtabit, Ali Tabtabai, ishte vrarë, ndërsa nuk pati informacion të menjëhershëm për viktima.
Ky është sulmi i parë ajror izraelit në Bejrut që nga qershori dhe vjen disa ditë para vizitës së Papa Leo XIV në Libanin.
Sulmet izraelite në jug të Libanit janë intensifikuar javët e fundit. Izraeli thotë se Hezbollah po përpiqet të rindërtojë kapacitetet ushtarake atje, një pretendim që qeveria libaneze e ka mohuar.
Hezbollah është një nga grupet jo-shtetërore më të armatosura në botë dhe konsiderohet e lidhur me Iranin.
Telegrafi
