Një kabinë tualeti portative ra nga Ura Centenario në Sevilje të enjten pasdite. Ura po ishte në proces ndërtimi në momentin e incidentit.
Sipas mediave të huaja, kabina po lëvizte me vinç në vendin e ndërtimit për të zëvendësuar kabllot e infrastrukturës kur u shemb. Objekti ra në mes të rrugës, u bë copë-copë dhe përmbajtja e tij u shpërnda.
Incidenti u kap në një video të postuar në TikTok, që tregon tualetin duke u shembur gjatë transportit.
Kabina ra në korsinë qendrore të autostradës dhe bllokoi kalimin e automjeteve që po kalonin urën me shpejtësi të ulët. Trafiku u ndërpre, por, sipas gazetës lokale Diario de Sevilla, nuk u raportuan të lënduar ose dëme materiale.
Burimi: Telegrafi
