Kim Kardashian ishte në qendër të vëmendjes në një festë në Los Angeles të organizuar nga Petra Collins, ku u shfaq me një fustan të bardhë të pasuruar me më shumë se 100 gjilpëra sigurie argjendi rreth dekoltesë dhe skajeve.
Themeluesja e SKIMS, 45-vjeçare, kompletoi veshjen me taka të zbukuruara dhe flokë të lëshuar, duke zgjedhur të mos mbante bizhuteri të tjera për t’i lënë vëmendjen veshjes.
Shfaqja e saj vjen në një periudhë të trazuar: seriali i saj i ri në Hulu, All’s Fair, është pritur negativisht dhe, sipas DailyMail, Kim ka deklaruar se nuk e ka kaluar provimin e jurisprudencës.
Në episodin e fundit të The Kardashians ajo tregoi gjithashtu se mjekët i kanë zbuluar një aneurizëm në tru, e cila mund të aktivizohet nga stresi. Kim pranoi se, përpara provimit të jurisprudencës dhe për shkak të angazhimeve të shumta, ka përjetuar urtikarie si pasojë e tensionit të lartë.
Kourtney, e shqetësuar për motrën, i sugjeroi Kim që të marrë një pauzë nga plani për t’u bërë avokate, duke i kujtuar se ka katër fëmijë që varen prej saj. Kim ndan fëmijët North, Saint, Chicago dhe Psalm me ish-bashkëshortin Kanye West.
Pavarësisht kritikave për serialin e ri, Kim vazhdon të jetë një nga figurat më të komentuara të showbiz-it, si në tapetin e kuq ashtu edhe në jetën personale. /Telegrafi/
