Banorja e Big Brother VIP Kosova 4, Linda Rei, tha se ka marrë një dhuratë të veçantë për përvjetorin e lidhjes nga ish-i dashuri i saj: një luledielli. Ai gjithashtu ka përgatitur një video me urime.
Linda theksoi se marrëdhënia e tyre është e komplikuar. “Nuk mjafton vetëm dashuria, jemi shumë ndryshe nga njëri-tjetri, vjen një pikë kur lodhesh”, tha ajo, duke pranuar se sfidat personale ndikojnë në lidhje.
Pas këtij momenti, ish-i dashuri i saj dërgoi edhe një mesazh brenda shtëpisë së BBVK, pasi nuk i pëlqeu afërsia e Lindës me banorin Edin. Linda komentoi: “Jemi në Big Brother. Atë mund ta ketë prekur, por vendimi për ta mbaruar historinë ishte i tij. Unë kam luftuar që të ia mbushë mendjen.”
Mesazhi i ish-të dashurit mbeti një nga momentet më të komentuar nga fansat, duke nxjerrë në pah dinamiken e komplikuar të marrëdhënieve brenda shtëpisë.
Burimi: Telegrafi
