Kongresistja amerikane, Marjorie Taylor Greene, ka reaguar ashpër ndaj ish-presidentit Donald Trump, duke thënë se ai e ka quajtur ‘tradhtare’ pasi ajo shprehu mbështetje për gratë që pretendohet se janë abuzuar seksualisht në vilën e Jeffrey Epstein.
Greene theksoi se për gjashtë vite ka qenë një mbështetëse e fortë e Trumpit, duke luftuar për të dhe shprehur besnikëri të plotë. Ajo kujtoi se ka fituar zgjedhjet e saj të para pa përkrahjen e tij, duke mposhtur tetë kundërshtarë në garën primare.
“E kam mbështetur falas dhe kam luftuar për të, por më quajti tradhtare”, u shpreh ajo përmes një deklarate publike.
Ajo gjithashtu bëri dallimin midis një tradhtari dhe një patrioti: “Një tradhtar është një amerikan që i shërben vendeve të huaja dhe vetes së tij. Një patriot është ai që i shërben Shteteve të Bashkuara dhe qytetarëve të saj, si gratë që qëndrojnë pas meje.”
Deklaratat e Greene vijnë në një moment tensioni brenda Partisë Republikane, ku figura të ndryshme përballen me sfida për shkak të pozicionimit të tyre ndaj Trumpit.
Ndërkohë, lidhjet e mëhershme të Trumpit me Jeffrey Epstein janë raportuar gjerësisht, përfshirë takime shoqërore dhe udhëtime të përbashkëta nga vitet ’90.
