Mercedes pritet të ndalojë prodhimin e modelit AMG C 63 S me motor katër cilindër në vitin 2026. Ky model hibrid plug-in, megjithëse teknologjikisht i avancuar, nuk ka arritur të fitojë mbështetjen e klientëve.
Sipas një dokumenti të brendshëm që është publikuar së fundmi, prodhimi i C 63 PHEV pritet të ndalet në mes të vitit 2026. Së bashku me të do të ndalen edhe disa modele të tjera AMG me motorë katër cilindër. Arsyeja kryesore lidhet me futjen e një rregulloreje të re për nivelin e zhurmës, e cila do të hyjë në fuqi nga UNECE.
Mercedes ndërkohë po planifikon rikthimin e motorëve më të mëdhenj për këtë model. Janë raportuar plane për një motor gjashtë cilindërsh në vijë (inline-six) dhe një version me motor V8 me boshte të sheshta (flat-plane).
Një zyrtar i lartë i AMG-së ka pranuar se motori aktual katër cilindër nuk ka tërhequr interesin e adhuruesve klasikë të kësaj marke.
/Telegrafi/
