Kancelari gjerman Friedrich Merz tha se është ‘skeptik’ që një marrëveshje për Ukrainën mund të arrihet brenda afatit që vendosi Donald Trump, duke shtuar se jemi ende shumë larg këtij rezultati.
Duke folur në margjinat e samitit G20 në Johannesburg, Merz shpjegoi se kjo nuk do të thotë se arritja e një marrëveshjeje është plotësisht e pamundur, por ai mbetet i dyshueshëm për shkak të dallimeve aktuale.
Donald Trump i ka dhënë Ukrainës afat deri të enjten — që përkon me Ditën e Falënderimeve në SHBA — për t’u pajtuar me planin e propozuar me 28 pika. Ai ka theksuar se kjo nuk është një ‘ofertë përfundimtare’ dhe afatet mund të zgjaten nëse zhvillimet shkojnë mirë.
Sipas Merz, fokusi duhet të jetë përgatitja e një dokumenti të pranueshëm për Ukrainën, i cili më pas mund të përdoret për të negociuar një marrëveshje paqeje me Rusinë.
/Telegrafi/
