Mbrëmja e së mërkurës në shtëpinë e ‘Big Brother VIP Kosova’ solli një tjetër moment të diskutuar, me banoren Bia Khalifa në fokus.
Gjatë një feste në pishinë, banorët u shfaqën më të lirshëm nga zakonisht. Bia zgjodhi të paraqitej me bikini të ngushta, që ekspozonin linjat e saj trupore. Pamjet u kapën menjëherë nga kamerat dhe u transmetuan në program.
Një tjetër moment që solli reagime ishte ndërveprimi mes Bias dhe banorit Edi, i cili i hodhi birrë në gojë gjatë qëndrimit të saj pranë pishinës. Ky veprim u komentua gjerësisht në rrjetet sociale dhe u cilësua si një nga skenat më provokuese të këtij edicioni.
Publiku ka ndarë mendime të ndryshme në rrjetet sociale. Disa e konsiderojnë këtë pjesë të lojës dhe argëtimit brenda formatit të spektaklit, ndërsa të tjerë mendojnë se skena e ka kaluar kufijtë e shijes së mirë.
‘Big Brother VIP Kosova’ vazhdon të gjenerojë vëmendje të madhe në opinionin publik, ndërsa momentet nga brenda shtëpisë janë bërë virale në mënyrë të vazhdueshme gjatë ditëve të fundit.
