Përzgjedhësi i Turqisë, Vincenzo Montella, tha pas shortit se nuk e di nëse do të preferonte të përballej me Sllovakinë apo Kosovën në finale, por se përparësia e tij është të kualifikohet më parë.
Turqia do të përballet me Rumaninë në gjysmëfinale; nëse kalon, në finale do të ndeshet me fituesin e çiftit Sllovaki–Kosovë.
Pas shortit, Montella komentoi mundësinë e një përballjeje me Sllovakinë dhe lëvdoi trajnerin e tyre, Calzona: “Kemi luajtur shumë mirë në grupe dhe morëm rezultate të mira. Tani i tërë fokusi ynë është në play-off, duam të jemi në finale. Finalja është në udhëtim, por këto janë rregullat. Tërë fokusi ynë është në ndeshjen e parë.”
“Sllovakia ka një trajner italian (Calzona), e njoh mirë, është trajner i shkëlqyer dhe kanë skuadër të mirë. Zakonisht skuadra e tyre është kompakte dhe me besim. Nuk e di se cilën kombëtare do ta preferoja, por dua që Turqia të jetë në finale,” shtoi ai.
Përballjet do të zhvillohen më 26 mars, ndërsa finalja parashikohet më 31 mars 2026.
Burimi: Telegrafi
