Policia e Kosovës njofton se një person ka ndërruar jetë në Prishtinë si pasojë e lëndimeve të marra gjatë kohës që ishte duke punuar. Ngjarja ndodhi rreth orës 17:00 në rrugën Faruk Rama, në lagjen Dragodan.
Zëdhënësja e Policisë për rajonin e Prishtinës, Flora Ahmeti, bëri të ditur se policia pranoi informacion për dy persona të lënduar gjatë punës. Si pasojë e lëndimeve, njëri prej tyre ka ndërruar jetë; vdekjen e konfirmoi ekipi i mjekëve emergjent në vendin e ngjarjes. Personi tjetër është dërguar për tretman mjekësor.
Organet e rendit po kryejnë hetimet për zbardhjen e rrethanave të ngjarjes.
