Ministria e Punëve të Brendshme e Maqedonisë njofton se të martën, rreth orës 12:50, në rrugën Kërçovë-Gostivar, pranë kryqëzimit të njohur si ‘Mavrovska’, një automjet pasagjerësh i markës Mercedes me targa gjermane është përmbysur.
Automjeti drejtohej nga I.R. (39) nga Kërçova. Si pasojë e aksidentit, shoferi ka pësuar lëndime të rënda. Lëndime kanë marrë gjithashtu dy pasagjerë: një 14-vjeçar nga fshati Strelci, rajoni i Kërçovës, dhe A.V. (24) nga Rumania. Të lënduarit janë dërguar në Spitalin e Përgjithshëm të Gostivarit për trajtim mjekësor.
Sipas MPB-së, në vendin e ngjarjes ka kryer inspektim një ekip hetimor nga Departamenti për Punë të Brendshme në Gostivar.
