Një tension i ri ka shpërthyer në shtëpinë e Big Brother VIP Kosova midis Benita Zena dhe Elijona Binakaj.
Dy konkurrentet po e kanë të vështirë të krijojnë një raport të qetë që nga ditët e para të qëndrimit në shtëpi.
Edhe pse ende është herët në lojë, mes tyre kanë nisur përplasjet verbale, të cilat bëhen gjithnjë e më të dukshme për publikun.
Gjatë një debati të fundit, Elijona i është drejtuar Benitës me një batutë që ngjalli reagime: “Mos i jep zor se po të bie dhëmbi i diamantit”.
Komenti u interpretua si një thumbim ndaj deklaratave të Benitës për pamjen e saj.
Benita ka qenë në qendër të vëmendjes që nga hyrja në shtëpi për shkak të dhëmbëve, të cilët ajo ka thënë publikisht se janë me diamant dhe i kanë kushtuar mijëra euro.
Ky fakt është përmendur vazhdimisht nga konkurrentët e tjerë, duke u shndërruar shpesh në pikë diskutimi apo ironie brenda shtëpisë.
Burimi: Telegrafi.
