Një zhytës profesionist ka përjetuar një moment mbresëlënës gjatë një xhirimi nënujore në Maldive, kur një peshkaqen gjigant iu afrua dhe për pak çaste i gëlltiti kamerën.
Teksa po filmonte për t’u dhënë shikuesve një pamje unike të botës nënujore, peshkaqeni hyri papritur në skenë dhe e mori me gojë pajisjen. Për fat, kamera nuk u dëmtua dhe vazhdoi të regjistrojë edhe nga brenda gojës së peshkaqenit, duke ofruar pamje të rralla të dhëmbëve të tij të mprehtë.
Pas pak sekondash, peshkaqeni e lëshoi kamerën, kur kuptoi se nuk ishte ushqim. Skena është filmuar në ujërat e Maldiveve dhe është publikuar në rrjet, duke u bërë virale dhe duke nxitur reagime të shumta nga përdoruesit e mediave sociale.
Pamjet janë publikuar nga Telegrafi.
