Deputeti ukrainas Oleksiy Goncharenko deklaroi se dokumenti që po qarkullon në media përfaqëson, sipas tij, planin real të paqes që Shtetet e Bashkuara synojnë t’i propozojnë Ukrainës. Ai tha se dokumenti nuk është bërë publik zyrtarisht nga Uashingtoni, por se elementi kryesor është krijimi i një marrëveshjeje të qëndrueshme sigurie dhe një arkitekture të re ndërkombëtare për garantimin e paqes afatgjatë. Ky plan ka shkaktuar reagime të ndryshme në Kiev dhe pritet të diskutohet gjerësisht në nivele politike dhe diplomatike.
Sipas përmbajtjes së dokumentit, pikat kryesore janë:
1. Ukraina
– Përgjithmonë jashtë NATO-s — e përfshirë në Kushtetutë.
– Forca të armatosura të kufizuara, pa status bërthamor.
– Garanci sigurie nga SHBA, por me kushte.
2. Territoret
– Crimea, Donetsk, Luhansk — de facto të njohura si ruse.
– Kherson dhe Zaporizhzhia — ngrirje përgjatë vijave aktuale të frontit.
– Një zonë neutrale e demilitarizuar nën kontroll de facto rus.
3. Rusia
– Premton “mos-sulm” dhe e formalizon ligjërisht.
– Rikthim gradual në G8.
– Heqje sanksionesh hap pas hapi.
4. Çfarë merr Ukraina
– 200 miliardë dollarë për rindërtim, përfshirë 100 miliardë dollarë nga asetet e ngrira ruse.
– Rinisja e centralit bërthamor në Zaporizhzhia nën mbikëqyrjen e IAEA-s; energjia ndahet 50/50.
– Investime të mëdha nga SHBA–BE dhe krijimi i një Fondi Zhvillimi.
5. Humanitare
– Shkëmbim i të gjithë të burgosurve “all-for-all” dhe kthimi i fëmijëve të rrëmbyer.
6. Politika e brendshme
– Zgjedhje 100 ditë pas nënshkrimit.
– Amnisti e plotë për të gjithë pjesëmarrësit në luftë.
7. Mbikëqyrja
– Zbatimi i marrëveshjes kontrollohet nga një “Këshill Paqeje” i drejtuar nga Donald Trump.
– Shkeljet sjellin sanksione.
– Ndërprerje e menjëhershme e zjarrit dhe tërheqje në pozicionet e dakorduara.
