Presidentja e Republikës, Gordana Siljanovska-Davkova, me rastin e 22 Nëntorit — Ditës së Alfabetit të Gjuhës Shqipe — uroi bashkëqytetarët shqiptarë. Ajo vlerësoi këtë ditë si simbol të përpjekjeve për arsim dhe edukim dhe bëri thirrje që ndërtimi i shtetit të vazhdojë në frymën e respektit dhe barazisë.
Në urimin e saj të plotë thuhet:
“Para 117 vjetësh, alfabeti i unifikuar nisi rrugëtimin e tij nga Kongresi i Manastirit, si kodi më i rëndësishëm i komunikimit për një popull. Sot duhet të kujtojmë se gjuha dhe shkrimi janë vlera themelore që formojnë identitetin kolektiv dhe forcojnë lidhjen shpirtërore mes brezave. Respekti ndaj gjuhës dhe shkrimit të çdo komuniteti forcon kohezionin shoqëror dhe bashkon shoqërinë multietnike të Maqedonisë. Gjuha shqipe është pjesë e mozaikut të pasur të dallimeve, një investim për të ardhmen e atdheut tonë të përbashkët. Në këtë ditë shprehet mirënjohje për kontributin e vazhdueshëm në zhvillimin e arsimit dhe kulturës, i cili pasuron jetën shoqërore. Gëzuar Dita e Alfabetit të Gjuhës Shqipe. Të vazhdojmë së bashku të ndërtojmë shtetin në frymën e respektit, barazisë dhe unitetit.”
Ky urim u publikua nga Presidentja Gordana Siljanovska-Davkova me rastin e 22 Nëntorit.
