Një punëtor ka ndërruar jetë më 22 nëntor 2025 si pasojë e lëndimeve të marra në një incident të rëndë në vendin e punës, i cili kishte ndodhur më 7 korrik 2025 rreth orës 12:40 në Prizren.
Viktima ishte duke u trajtuar në spital që nga dita e aksidentit, por përkundër përpjekjeve mjekësore nuk arriti t’i mbijetojë lëndimeve.
Me urdhër të prokurorit, trupi i pajetë është dërguar në Institutin e Mjekësisë Ligjore për obduksion, me qëllim përcaktimin e rrethanave të sakta të vdekjes.
Rasti po hetohet si asgjësim, dëmtim ose heqje e pajisjeve mbrojtëse dhe rrezikim i sigurisë në vendin e punës. Autoritetet po vazhdojnë mbledhjen e provave dhe intervistimin e personave të përfshirë për të zbardhur përgjegjësitë e mundshme.
(Telegrafi)
