Real Madrid po e konsideron Dayot Upamecanon si një nga alternatifat kryesore për mbrojtjen verën e ardhshme.
Mbrojtësi francez ka kontratë që skadon vitin e ardhshëm. Megjithëse drejtori sportiv i Bayern, Max Eberl, dhe presidenti Herbert Hainer kanë shprehur optimizëm për një rinovim, nuk ka siguri për një marrëveshje të re.
Sipas raporteve nga Madrid, Upamecano ishte preferenca e kryeqytetit spanjoll para Ibrahima Konate, por ekziston paqartësi për dëshirën e tij për t’u transferuar te Real Madrid.
Gazetari i Bayern, Christian Falk, raporton se Real Madrid është ndër tre klubet ende në garë për lojtarin. Liverpool ka dalë jashtë, pasi po përqendrohet te transferimi i Marc Guehi.
Bayern vazhdon të shpresojë për zgjatjen e kontratës së Upamecanos. Marrëdhënia e tij me trajnerin Vincent Kompany përmendet si një faktor që mund të ndikojë në vendimin e lojtarit.
Paris Saint-Germain po përpiqet gjithashtu të sjellë një tjetër futbollist francez në skuadër, ndërsa Real Madrid përshkruhet si shumë i interesuar për Upamecanon.
Sa i përket Ibrahima Konate, Liverpool kërkon një vendim të shpejtë nga ana e tij, pasi po konsideron mundësinë e shitjes në janar për të shmangur humbjen e tij si lojtar i lirë.
Burimi: Telegrafi
