Gjatë orëve të fundit janë regjistruar reshje bore në lartësi mbi 1,200 metra në juglindje të vendit, kryesisht në zonat malore. Më të evidentuara janë Maja e Biglës në Dardhë dhe zona e Shtyllës deri në majën e Mashkullores, ku trashësia e borës varion nga 5 deri në 10 centimetra.
Firmat kontraktore të mirëmbajtjes së rrugëve ndodhen në terren dhe po punojnë për pastrimin dhe sigurimin e qarkullueshmërisë së akseve, përfshirë edhe rrugën e Dardhës. Borë është raportuar në pothuajse të gjitha zonat e thella malore të qarkut, por deri tani nuk janë evidentuar probleme të mëdha me qarkullimin rrugor apo situata emergjente.
Strukturat përgjegjëse po vazhdojnë monitorimin e situatës.
Burimi: Euronews
