Ruben Amorim ka konfirmuar se sulmuesi i Manchester United, Benjamin Sesko, do të mungojë disa javë pas dëmtimit që pësoi në ndeshjen kundër Tottenhamit, para pushimit për ndeshjet e kombëtareve.
Trajneri portugez tha në konferencë për shtyp: “Do të qëndrojë disa javë jashtë. Nuk e di saktë sa, por nuk është shumë serioze. Duhet të jemi të kujdesshëm me të”. Ai shtoi: “Po ndihet më mirë, kështu që presim që pas disa javësh të kthehet”.
Ai po ashtu theksoi se rikthimi i sulmuesit pritet të përkojë me momentin kur Amad dhe Bryan Mbeumo do t’i bashkohen grumbullimit për Kupën e Kombeve të Afrikës: “Nuk dua të flas me siguri të plotë, por kur ata të nisen për grumbullim, pres që Ben të jetë kthyer.”
Nga afatet e përmendura, kuptohet se Sesko mund të mungojë rreth një muaj, duke lënë Unitedin me më pak opsione të pastra në qendër të sulmit përkohësisht.
Ndërkohë, Manchester United po konsideron të veprojë në afatin e verës për të përforcuar repartin ofensiv.
Burimi: Telegrafi.
