Benita Zena është një nga banoret më të reja në Big Brother VIP Kosova dhe menjëherë pas hyrjes së saj në shtëpi ka tërhequr vëmendjen e publikut, kryesisht për pamjen e saj.
Këngëtarja shqiptare ka pësuar një transformim të dukshëm ndër vite, çka ka sjellë shumë reagime dhe krahasime në rrjetet sociale. Imazhet që po qarkullojnë tregojnë ndryshime të theksuara në pamjen e saj, veçanërisht para dhe pas ndërhyrjeve estetike.
Krahasimet mes fotografive të vjetra dhe atyre aktuale kanë nxitur diskutime mbi transformimin e saj dhe rolin që kanë pasur ndërhyrjet estetike në formësimin e imazhit.
Ndryshimet më të dukshme dallohen në fytyrë dhe te dhëmbët, duke lënë të kuptohet se kanë ndodhur procedura estetike që kanë ndikuar në pamjen e saj aktuale.
Pavarësisht komenteve, Benita Zena ka arritur të fitojë vëmendje që në ditët e para të këtij edicioni të BBVK. Transformimi i saj është bërë një nga temat më të diskutuara në rrjet, ndërsa mbetet për t’u parë se si do të ndikojë kjo në rrjedhën e lojës së saj brenda shtëpisë.
