Kapiteni i Liverpoolit, Virgil van Dijk, pranoi se ai dhe bashkëlojtarët zhgënjyen trajnerin Arne Slot dhe vetveten për shkak të paraqitjeve të dobëta këtë sezon.
Liverpooli humbi 3:0 nga Nottingham Forest në Anfield. Kjo ishte disfata e gjashtë në shtatë ndeshjet e fundit, duke e çuar skuadrën në vendin e 11-të në tabelë.
Van Dijk tha se ekipi po kalon një fazë të vështirë dhe po pëson gola shumë lehtë: “Po pësojmë shumë gola të lehtë. Situata është shumë e rëndë për momentin dhe do të na duhet shumë punë për ta kapërcyer këtë krizë.”
Ai shtoi se kthimi te rezultatet pozitive është i mundshëm, por kërkon përgjegjësi nga të gjithë: “Ky është problemi: të gjithë në ekip duhet të marrin përgjegjësi. Futbolli është një sport ekipor dhe secili duhet ta marrë seriozisht këtë moment. Duhet të punojmë më shumë dhe të ecim përpara.”
Telegrafi
