Max Verstappen triumfoi në Çmimin e Madh të Las Vegasit, duke lënë pas Lando Norris dhe George Russell në një garë të mbushur me emocione dhe rivalitet të fortë.
Situata në renditjen e pilotëve u bë më interesante para përfundimit të sezonit. Me vendin e dytë sot, Lando Norris ka tani 30 pikë avantazh mbi shokun e skuadrës Oscar Piastri dhe 42 pikë përpara Verstappen, duke u afruar pranë titullit të parë në Formula 1.
Norris nisi nga pole position dhe tentoi të mbante kryesimin, por humbi vendin në një nga kthesat e para ku e kaluan Verstappen dhe Russell. Britaniku nuk u dorëzua: në xhiron e 35-të ai parakaloi Russell për vendin e dytë, duke konsoliduar avantazhin në renditje.
Oscar Piastri pati një garë të qëndrueshme dhe përfundoi i katërti, ndërsa një nga surprizat e garës ishte Andrea Kimi Antonelli, i cili, megjithëse nisi i 17-ti dhe mori një penalitet prej pesë sekondash, arriti të përfundojë në vendin e pestë.
Rezultatet e Çmimit të Madh të Las Vegasit (top 10):
1. Max Verstappen
2. Lando Norris
3. George Russell
4. Oscar Piastri
5. Andrea Kimi Antonelli
6. Charles Leclerc
7. Carlos Sainz
8. Isack Hadjar
9. Nico Hülkenberg
10. Lewis Hamilton
Renditja e përgjithshme e pilotëve pas garës së Las Vegas:
Lando Norris 408 – Oscar Piastri 378 – Max Verstappen 366 – George Russell 291 – Charles Leclerc 222 – Lewis Hamilton 149 – Andrea Kimi Antonelli 132 – Alex Albon 73 – Isack Hadjar 47 – Oliver Bearman 40 – Fernando Alonso 40 – Liam Lawson 36 – Lance Stroll 32 – Esteban Ocon 30 – Yuki Tsunoda 28 – Pierre Gasly 22 – Bortoleto 19 – Colapinto 0 – Doohan 0.
Burimi: Telegrafi
