Sot në orët e hershme të mëngjesit një banesë në Pejë u përfshi nga flakët. Ngjarja u konfirmua nga Policia e Kosovës.
Spitali i Përgjithshëm në Pejë njofton se në emergjencë u pranuan 13 pacientë me probleme në frymëmarrje, të dyshuara si pasojë e tymit nga zjarri.
Shtatë pacientë po trajtohen në Repartin e Pediatrisë, ndërsa gjashtë të tjerë në Emergjencë. Pas trajtimit mjekësor të nevojshëm, gjendja e të gjithë pacientëve është stabile, nën monitorim dhe jashtë rrezikut për jetën. Pritet që ata të lirohen.
